Asha Bhosle passes away : जेष्ठ पार्श्वगायिका आशा भोसले यांचे निधन! 

ग्रामराज्य वृत्तसेवा 

पुणे/मुंबई, दि. १२ एप्रिल २०२६ :- ज्येष्ठ पार्श्वगायिका आशा भोसले (वय ९३) यांचे रविवारी (दि.१२ एप्रिल) मुंबईतील ब्रीच कॅंडी रुग्णालयात उपचार चालू असताना निधन झाले. येत्या सोमवारी दि. १३ एप्रिल) दुपारी चार वाजता त्यांच्या पार्थिवावर अंत्यसंस्कार केले जाणार आहेत. त्यांच्या मागे एक मुलगा, सून व नातवंडे असा परिवार आहे. 

आशा भोसले यांना शनिवारी (काल) संध्याकाळी हृदयविकाराचा झटका आला होता. त्यामुळे त्यांना उपचारासाठी ब्रीच कॅंडी रुग्णालयात दाखल करण्यात आले होते. मात्र उपचार चालू असतानाच विविध अवयव निकामी झाल्याने रविवारी त्यांचे निधन झाले. आशा भोसले यांच्या निधनानंतर चित्रपटसृष्टीमध्ये हळहळ व्यक्त केली जात आहे.

दरम्यान, सोमवारी सकाळी ११ वाजल्यापासून त्यांचे पार्थिव मुंबईतील लोअर परळ येथील त्यांच्या निवासस्थानी अंतिम दर्शनासाठी ठेवले जाणार आहे. त्यानंतर दुपारी चार वाजता शिवाजी पार्क येथील स्मशानभूमीत त्यांच्या पार्थिवावर शासकीय इतमामात अंत्यसंस्कार केले जाणार असल्याचे आशा भोसले यांचा मुलगा आनंद भोसले सांगितले.

सन १९३३ मध्ये जन्मलेल्या आशा भोसले यांनी सुमारे आठ दशकांच्या कारकिर्दीत हजारो गाणी गायिली. त्यांनी केवळ हिंदी भाषेतच नव्हे तर, मराठी, बंगाली, गुजराती, तमिळ, तेलुगू अशा अनेक भाषांमध्ये आपला ठसा उमटवला. ‘दम मारो दम’, ‘रमैया वस्तावैया’, ‘ऐ मेरे हमसफर’, ‘ये मेरे वतन के लोगो’ (बॅकग्राउंड), ‘क्या करें’ सारख्या अनेक सुपरहिट गाण्यांनी त्यांनी अनेक पिढ्यांच्या मनात स्थान मिळवले होते.

आशा भोसले यांना ‘आशा ताई’ म्हणून ओळखले जायचे. त्यांच्या खास आवाजातील ऊर्जा, विविधता आणि भावपूर्ण गायकीमुळे त्यांना ‘नाइटिंगेल ऑफ इंडिया’ आणि ‘क्वीन ऑफ इंडिपॉप' या उपाध्या मिळाल्या होत्या.