OTT Ban Shockwave: अश्लील कंटेंटवर सरकारची मोठी घाव; ५ OTT प्लॅटफॉर्म्स ब्लॉक, डिजिटल जगतात खळबळ.
केंद्र सरकारने अश्लील आणि नियमभंग करणाऱ्या कंटेंटवर मोठी कारवाई करत ५ OTT प्लॅटफॉर्म्स ब्लॉक केले असून या निर्णयाने डिजिटल जगतात खळबळ उडाली आहे.
केंद्र सरकारने अश्लील व नियमभंग करणारी सामग्री स्ट्रीम केल्याच्या आरोपावरून पाच OTT प्लॅटफॉर्म्सना तातडीने ब्लॉक करण्याचा निर्णय घेतला आहे. MoodXVIP, Koyal Playpro, Digi Movieplex, Feel आणि Jugnu या प्लॅटफॉर्म्सवर IT नियमांचे उल्लंघन करून प्रौढ आणि लैंगिक स्वरूपाचा कंटेंट मोठ्या प्रमाणात दाखवल्याचे सरकारने नमूद केले आहे. माहिती व प्रसारण मंत्रालयाच्या म्हणण्यानुसार, संबंधित अॅप्स आणि वेबसाईट्सवर कोणत्याही वयोगटासाठी सहज प्रवेश होत होता, तसेच वयमर्यादेवरील नियंत्रण अत्यंत कमकुवत होते. या कारवाईला डिजिटल क्षेत्रातील “क्लीन‑अप ड्राईव्ह”चे पुढचे पाऊल मानले जात असून, इतर प्लॅटफॉर्म्सनाही कंटेंट मॉडरेशन आणि कायदेशीर जबाबदाऱ्या अधिक गंभीरपणे घ्याव्या लागतील, असा इशारा यातून मिळतो. दुसरीकडे, अभिव्यक्ती स्वातंत्र्य आणि सर्जनशीलतेवर याचा परिणाम होईल का, यावर उद्योगातील काही व्यक्ती प्रश्नचिन्ह उपस्थित करत असून, स्पष्ट व पारदर्शक नियमांची मागणीही जोर धरत आहे.
